„ერთიანი ნაციონალური მოძრაობის“ და კიდევ რამდენიმე ოპოზიციური პარტიის, თბილისის მერობის საერთო კანდიდატი ნიკა მელია იქნება.
ჟურნალისტი ნანუკა ჟორჟოლიანი “ფეისბუქის” პირად გვერდის მეშვეობით მელიას წარმატებას უსურვებს:
“ნიკა, ჩემო მეგობარო, ძალიან კარგო ბიჭო, ცოტას ვიცნობ შენზე სწორ ადამიანს სიგიჟე ნარევი ხასიათით, უკან დახევის უნარი საერთოდ რომ არ დაგაფერთხა ღმერთმა.
ზუსტად ვიცი, რომ იქნები ყველა ქოცის, ნაცის, გირჩელის, ყველა ლეიბორისტის მერი.
სულ წინ და წინ! გამარჯვების დრო დადგა იცოდე,” – წერს ჟორჟოლიანი სოციალურ ქსელში და ურთავს ფოტოს.
„ნაციონალური მოძრაობა“ თბილისის არცერთ რაიონში მაჟორიტარ კანდიდატებს არ დააყენებს.
როგორც თბილისში, პარტიისა და ოპოზიციის ნაწილის მერობის კანდიდატმა, ნიკა მელიამ საზოგადოებისადმი მიმართვისას აღნიშნა, „ნაციონალური მოძრაობა“ მხარს მრავალპარტიული შეთანხმებით შერჩეულ კანდიდატებს დაუჭერს.
„ჩვენი პარტია თბილისში არსად, არცერთ რაიონში არ დააყენებს მაჟორიტარ კანდიდატებს და მხარს დაუჭერს, საერთო, მრავალპარტიული შეთანხმების კანდიდატებს, – განაცხადა მელიამ.
საკრებულოს თავმჯდომარეობისთვის ელენე ხოშტარია იბრძოლებს. რაც შეეხება ვიცე-მერობის კანდიდატს, იგი სავარაუდოდ, „გირჩი – მეტი თავისუფლებისთვის“ ლიდერი ზურაბ ჯაფარიძე იქნება.