სხვისი ქონების წართმევა, დანაშაული არაა? “მთავარმა არხმა” პროკურატურაში უნდა უჩივლოს – ასე ეხმაურება ჟურნალისტი მერაბ მეტრეველი – ასე გამოეხმაურა ჟურნალისტი მერაბ მეტრეველი კულტურის მინისტრის თეა წულუკიანის მიერ “მთავარი არხის” ჟურნალისტისთვის მიკროფონის წართმევის ფაქტს
“ქალბატონო თეა, რა მაგის პასუხია და თქვენი რეფორმირებული სასამრთლოს წყალობით, სტრასბურგში მორიგი საქმის წაგებას „გილოცავთ,” – წერს მეტრეველი სოციალურ ქსელში.
გუშინ, საქართველოს კულტურის, სპორტისა და ახალგაზრდობის მინისტრმა თეა წულუკიანმა “მთავარი არხი”-ს სამეგრელოს ბიუროს ჟურნალისტს მიკროფონი წაართვა.
“ქართუ ფონდის” ღონისძიებაზე ჩასულმა მინისტრმა “მთავარი არხის” ჟურნალისტს “ახტაჯანა” უწოდა, მას შემდეგ რაც გოგოხია მისგან ინტერვიუს ჩამორთმევას შეეცადა.
წულუკიანმა მიკროფონის ხელში დაჭერისთანავე “ქართული ოცნების” დამფუძნებელს, ბიძინა ივანიშვილის გადაუხადა, შემდეგ კი გოგოხიას მოუწოდა იგივე შინაარსის განცხადება გაეკეთებინა.
წულუკიანმა ისიც აღნიშნა, რომ მიკროფონის დაბრუნებას არ აპირებს. გადამღები ჯგუფი თეატრის დარბაზიდან დაცვამ გაიყვანა.
მინისტრს “მთავარი არხის” მიკროფონი ამ დრომდე არ დაუბრუნებია.
“მთავარმა არხმა” წულუკიანის წინააღმდეგ პროკურატურაში სარჩელი შეიტანა.