კულტურის მინისტრის, თეა წულუკიანის მიერ “მთავარი არხის” მიკროფონის წართმევასთან დაკავშირებით ჟურნალისტი თეა ადეიშვილი “ფეისბუქის” პირად გვერდზე პოსტს აქვეყნებს:
“კატაპულტირების რეჟიმი აქვთ ჩართული, ოღონდ ჯერ ჩვენს ქვეყანას ჩაიყოლებენ უფსკრულში და თვითონ ჩაფრინდებიან თბილ ქვეყბებში დიდი ზიზიღით დატვირთულები!!! არსებობს ვინმე ვისაც ეს მართლა მიგწონთ?! რამდენიმე გულ-ლაიქი ვნახე წულუკიანის მიერ წაგლეჯილი ჩვენი მიკროფონით გადაღებული სელფის ქვეშ და რა გჭირთ, რა დღეში ჩაგაგდოთ ამ ფულიანმა ბოგანოებმა, თქვენც დასჯის გეშინიათ?” – წერს ადეიშვილი.
გუშინ, საქართველოს კულტურის, სპორტისა და ახალგაზრდობის მინისტრმა თეა წულუკიანმა “მთავარი არხი”-ს სამეგრელოს ბიუროს ჟურნალისტს მიკროფონი წაართვა.
“ქართუ ფონდის” ღონისძიებაზე ჩასულმა მინისტრმა “მთავარი არხის” ჟურნალისტს “ახტაჯანა” უწოდა, მას შემდეგ რაც გოგოხია მისგან ინტერვიუს ჩამორთმევას შეეცადა.
წულუკიანმა მიკროფონის ხელში დაჭერისთანავე “ქართული ოცნების” დამფუძნებელს, ბიძინა ივანიშვილის გადაუხადა, შემდეგ კი გოგოხიას მოუწოდა იგივე შინაარსის განცხადება გაეკეთებინა.
წულუკიანმა ისიც აღნიშნა, რომ მიკროფონის დაბრუნებას არ აპირებს. გადამღები ჯგუფი თეატრის დარბაზიდან დაცვამ გაიყვანა.
მინისტრს “მთავარი არხის” მიკროფონი ამ დრომდე არ დაუბრუნებია. წულუკიანისთვის პროკურატურაში ჩივილის აპირებენ.