ისრაელში საარჩევნო უბნის გახსნასთან დაკავშირებით ვითარება არაერთხელ შეიცვალა. მოქალაქე ლაშა შაყულაშვილი თავდაპირველად სოციალურ ქსელში წერდა, რომ “ქართული ოცნების” მიერ დანიშნული წევრის უარის გამო საარჩევნო უბანი ვერ გაიხსნებოდა. აღნიშნულს მწვავე რეაგირება მოყვა კომისიის წევრების მხრიდან. განახლებული ინფორმაციის თანახმად, კომისიაში მონაწილეობის სურვილი უკვე გამოთქვა მეშვიდე წევრმა, რაც ნიშნავს იმას, რომ ისრაელში მყოფი ქართველები არჩევნებში მონაწილეობას შეძლებენ.
“მოკლედ, ეს ინფორმაცია – ისრაელში მცხოვრებ და საარჩევნო უფლების მქონე ყველა ადამიანს უნდა გაუზიაროთ!
ხვალ, დილის 08:00 საათიდან, ყველანი რამათ განში, ჟაბოტინსკის #7! ეს იქნება წარმოუდგენელი ბრძოლის შედეგად გახსნილი და თანაც ისრაელის ერთადერთი უბანი!” – წერს ლაშა შაყულაშვილი სოციალურ ქსელში.