ევროპული საბჭოს პრეზიდენტ შარლ მიშელთან შეხვედრის თაობაზე, დეპუტატი თაკო ჩარკვიანი “ფეისბუქის” პირად გვერდზე წერს:
“მიშელთან დელეგაცია ზის ” პუტინ- ბიძინური”
ჰოდა, ერთი ხუმრობა მომაგონდა: “ზის არა ბატონო სხედანო “ერთ ძველი თაობის ლიტერატორს უთხრეს და ლიტერატორმაც მყისიერი პასუხი არ დააყოვნა: “დიახ,სხედან და ზიანს აყენებენ ქვეყანასო”
არ არსებობს ბრძოლა, ყველა ბრძოლა წაგებულია რუსულ ვექტორთან ერთად! ოპოზიციას მგონი რუსეთუმე პოლიტიკოსები უკვე ბიძინამ “ჩაუდო”. ეს ბრძოლაც წაგებული იქნება ასე თუ გაგრძელდა, ამ “დასაჭურისებულ” ვითომ ოპოზიციასთან ერთად! დელეგაციის შემადგენლობას -არსებობას “ოცნება” აკონტროლებდა! “კრემლი” კრემლს ებრძვის?! თუ ” ლაითი კრემლი” არსებობს და “არა ლაითი კრემლი”?! მეზვრიშვილი, იაგო ხვიჩია, ელისაშილი, ინაშვილი … ტაშიიიი! ვინმემ რამე არ იფიქროთ ბატონებო: მე ხელი არ მომიწერია შარლ მიშელის დოკუმენტზე, ასე რომ არ და (ვერ )ვიქნებოდი შეხვედრაზე ( ეს მათთვის, ვინც მეკითხება, რატომ არ წახვედიო) მე ზუსტად ვიცი ყოველთვის, რას ვაკეთებ! ახლაც!!!” – წერს ჩარკვიანი სოციალურ ქსელში.
ცნობისთვის, ევროპული საბჭოს პრეზიდენტი შარლ მიშელი საქართველოში 18 ივლისს ჩამოვიდა. პოლიტიკური შეხვედრების პარალელურად ის ბათუმის მე-17 საერთაშორისო კონფერენციაში „ევროკავშირის მიზიდულობის ძალა და რეგიონის ტრანსფორმაცია” მიიღებს მონაწილეობას.
ევროპული საბჭოს პრეზიდენტის, შარლ მიშელის განცხადებით, 19 აპრილის შეთანხმების კეთილსინდისიერად შესრულება საუკეთესო გარანტიაა საქართველოს დემოკრატიული წესრიგის წინ წასაწევად, რაც არის მისი ყველაზე მნიშვნელოვანი გზავნილი პარტიებისადმი.
„მქონდა შესაძლებლობა, შევხვედროდი პრემიერ-მინისტრ ღარიბაშვილს და საქართველოს საპარლამენტო ოპოზიციური პარტიების ლიდერებს, რათა განგვეხილა საქართველოში ბოლო მოვლენები და 19 აპრილის შეთანხმების შესრულება. ჩემი ყველაზე მნიშვნელოვანი გზავნილი საქართველოს ყველა პოლიტიკური პარტიისადმი არის ის, რომ აპრილის შეთანხმების სრულად შესრულება, წერილობით, სულისკვეთებითა და კეთილსინდისიერად საუკეთესო გარანტიაა საქართველოს დემოკრატიული წესრიგის წინ წასაწევად ქვეყნის მოქალაქეების ინტერესების გათვალისწინებით“, – აღნიშნა შარლ მიშელმა.
ამასთან, შარლ მიშელი 19 აპრილის შეთანხმების ხელმოწერისკენ მოუწოდებს მათ, ვისაც ეს ჯერ გაუკეთებიათ.
„მოხარული ვიყავი, რომ შეთანხმების ყველა ხელმომწერი რჩება ვალდებული შეთანხმების სრულად შესრულებისადმი და ქვეყანაში ყველა პოლიტიკურ ძალას შორის უფრო მეტად ინკლუზიური, ერთიანი გზის განვითარებისადმი. მოვუწოდებ მათ, ვისაც ჯერ არ მოუწერია ხელი შეთანხმებისთვის, გააკეთონ ეს“, – განაცხადა შარლ მიშელმა.