ახმეტიდან თბილისში მიმავალი სამარშუტო ტაქსი ავარიაში მოყვა – როგორც “მეტრონომს” შსს-ში განუცხადეს გამოძიება 276-ე მუხლით მიმდინარეობს. აღნიშნული მუხლი გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური
ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.
ჩვენი ინფორმაციით, სამარშუტო ტაქსიში “ქართული ოცნების” მიერ ორგანიზებული აქციისკენ მიმავალი მოქალაქეები იმყოფებოდნენ.
დაშავებულია ერთი ადამიანი. დამატებითი დეტალების გარკვევას ამ დროისთვის ვცდილობთ.