ბანაკის ტიპის შეკრებების აკრძალვას, “გირჩი – მეტი თავისულების” ლიდერი ზურაბ გირჩი ჯაფარიძე სოციალურ ქსელში ეხმაურება, რომელმაც ბანაკის ფორმის ყრილობა დააანონსა.
“ბანაკები აიკრძალაო
ჩვენ გვექნება ბანაკის ფორმის ყრილობა აქ
გავერთობით, ვილაპარაკებთ, ვიკამათებთ, ვიდებატებთ
დებატებში მე დავიცავ სხვადასხვა იდეოლოგიურ პოზიციებს, ნებისმიერს გარდა კლასიკური ლიბერალიზმისა
ქვემოთ ივენთის ლინკზე შეგიძლიათ ნახოთ დეტალები
ფასი რეალურად არის კვების საფასური, ფულის გაკეთებას ამ ივენთზე არ ვაპირებთ
მოკლედ, თუ ბანაკი გინდოდათ და გითხრეს არაო – აი, ბანაკი” – წერს ჯაფარიძე და აქვეყნებს ფოტოებს.
ცნობისთვის, საქართველოს მთავრობის დადგენილებაში ცვლილებების მიხედვით, ტრენინგებზე, კონფერენციებსა და სემინარებზე მონაწილეთა დასწრება მხოლოდ წინასწარი PCR ტესტირების საფუძველზე იქნება შესაძლებელი.
შესაბამისი ცვლილება საქართველოს მთავრობის 2020 წლის 23 მაისის #322 დადგენილებაში აისახა.
ცვლილებების მიხედვითვე, იკრძალება ბანაკის ტიპის შეკრებები, მათი ორგანიზაციული ფორმებისა და ჩატარების ადგილის მიუხედავად.
ამასთან, 18 წლამდე ასაკის მოზარდების სპორტული ტურინირებისა და სასწავლო-საწვრთნელი შეკრებების ჩატარება დასაშვებია მხოლოდ ყველა მონაწილის წინასწარი Pჩღ ტესტირების საფუძველზე.
დადგენილება მიმდინარე წლის 19 ივლისიდან ამოქმედდება.