“რა სირცხვილია…” – გოგა ჩანადირი

მთავრობის დადგენილებას, რომლის მიხედვითაც, თბილისში სამორინეს მოწყობის სანებართვო მოსაკრებელი განახევრდა, ფოტოხელოვანი გოგა ჩანადირი “ფეისბუქის” პირად გვერდზე ეხმაურება:

“რა სირცხვილია – მთავრობის დადგენილებით, თბილისში სამორინეს მოწყობის სანებართვო მოსაკრებელი განახევრდა. 5 მილიონი ლარის ნაცვლად 2.5 მილიონი გახდა.
იმის მაგივრად, რომ სათამაშო ბიზნესი ყველასთვის ხელმისაწვდომი არ იყოს, ეს დადგენილება აადვილებს მასთან დაკავშირებას.
სამარცხვინოა.
პირიქით, მთავრობას ეს მოსაკრებელი კი არ უნდა გაენახევრებინა, სულ მცირე, უნდა გაეორმაგებინა.
უამრავი ადამიანი უბედურდება აზარტული თამაშებით და მოზარდების 48 % დაკავშირებულია მასთან.” – წერს ჩანადირი სოციალურ ქსელში.

ქნმთავრობის 13 ივლისის გადაწყვეტილებით, თბილისში სამორინეს მოწყობის ნებართვის მფლობელი გარკვეული შეღავათით შეძლებს სარგებლობას და 5 მილიონი ლარის ნაცვლად, პირველ წელს 2,5 მლნ ლარს გადაიხდის.

უფრო კონკრეტულად, 2021 წლის 5 ივლისიდან 2022 წლის 1-ელ იანვრამდე გაცემული სამორინეს მოწყობის ნებართვისთვის პირველი წლის სანებართვო მოსაკრებელი 2 500 000 ლარი იქნება. ასევე 2 500 000 ლარით განისაზღვრა – 2021 წლის 1-ლი იანვრიდან 2021 წლის 5 ივლისამდე გაცემული სამორინეს მოწყობის ნებართვისათვის პირველი წლის მომდევნო წლის სანებართვო მოსაკრებელი