“ეგ რომ ყოფილიყო ახლა ჯანდაცვის მინისტრი, მთელი საქართველო აცრილი იქნებოდა” – ირაკლი ოქრუაშვილი

საქართველოს თავდაცვის ყოფილი მინისტრი ირაკლი ოქრუაშვილი “ფეისბუქის” პირად გვერდზე წერს:

“ვისაც გახსოვთ, სინაგოგასთან კომუნისტების დროს ჩაშკა რომ იყო წამლების გადამყიდველი, ეგ რომ ყოფილიყო ახლა ჯანდაცვის მინისტრი, მთელი საქართველო აცრილი იქნებოდა.” – წერს ოქრუაშვილი სოციალურ ქსელში.

კოვიდვითარების გაუარესების გამო შესაძლოა კვლავ გარკვეული შეზღუდვები დაწესდეს.

ჯანდაცვის მინისტრის მოადგილის განცხადებით, ინფექცია სწრაფად ვრცელდება და აქტიური ჩარევის გარეშე ეს ტემპი კიდევ უფრო გაიზრდება. თამარ გაბუნია ამბობს, რომ გასართობი ღონისძიებების შეზღუდვა გახდება საჭირო და უწყება ამაზე უკვე მსჯელობს.

“ინდივიდუალური პასუხისმგებლობა კრიტიკულია და ამდენად, მოქალაქეებისა და საზოგადოების აქტიურობის გარეშე ეს წარმოუდგენელია. მესმის, ზაფხულია, კურორტები გაიხსნა, გასართობი ღონისძიებები ტარდება. გასართობ ღონისძიებაზე არ არის განწყობილი ადამიანი, რომ ნიღბით იყოს და დისტანცია დაიცვას, მაგრამ ასე არ გამოვა. ისევ მოგვიწევს გასართობი ღონისძიებების შეზღუდვაზე ვიმუშაოთ. ამაზე დავიწყეთ უკვე ფიქრი,” – განაცხადა თამარ გაბუნიამ.

ბოლო 24 საათში საქართველოში კორონავირუსის – 1398 ახალი შემთხვევა დადასტურდა. შემთხვევათა საერთო რაოდენობამ 382734 შეადგინა.

გამოჯანმრთელდა კიდევ 1164 პაციენტი და განკურნებულთა რიცხვმა 362491-ს მიაღწია.

ბოლო 24 საათში კორონავირუსისგან კიდევ 11 ადამიანი გარდაიცვალა. სულ გარდაცვლილია 5503.

ქვეყნის მასშტაბით, ბოლო 24 საათში ჩატარებული ტესტების რაოდენობამ 30 867 შეადგინა. ანტიგენის სწრაფი ტესტით – 16167, Pჩღ ტესტით – 14700.

დადებითობის მაჩვენებელი – დღიური – 4,53%, ბოლო 14 დღის – 4,21%, ბოლო 7 დღის – 4,65%.