“შევეცდები, ემოციები არ მომეძალოს… ჭიდილი გვქონდა სიკვდილთან…” – თიკა ფაცაცია

მომღერალმა და ტელეწამყვანმა, თიკა ფაცაციამ ცოტა ხნის წინ COVID 19 ხელმეორედ დაამარცხა, როგორც მან აღნიშნა, სრულიად უსიმპტომო იყო.

ტელეწამყვანი”რუსთავი 2″-ის გადაცემას “სხვა შუადღე” დაუბრუნდა და ეთერში COVID – ბრძოლაზე ისაუბრა:

“მე და ჩემი ოჯახის წევრები კოვიდ სამყაროში ხელახლა აღმოვჩნდით. ჩემს ოჯახში იფიცირებულები ტალღებად ემატებოდნენ. საკმაოდ რთული პერიოდი გავიარეთ. მე როგორც ძალიან ემოციურ ადამიანს, შევეცდები ეს ემოციები არ მომეძალოს. ბრძოლა და ჭიდილი გვქონდა, როგორც ჯანმრთელობასთან, ისე ერთ შემთხვევაში სიკვდილთანაც. სიკვდილ-სიცოცხლის საქმე წყდებოდა, ეს ძალიან რთული იყო. 

ამ დროს ჩემი ერთადერთი გადამრჩენელი იყო – ყველანაირი ნეგატიური ფიქრების განდევნა და მხოლოდ კარგზე ორიენტირება, მხოლოდ სიცოცხლეზე, მხოლოდ სიყვარულზე, მხოლოდ გვერდით დგომაზე, ზურგის გამაგრებასა და იმედზე. ასეთი მინდა იყოს ჩემი, თქვენი და ყველას ცხოვრება, იმიტომ, რომ ძალიან დამღლელი და სტრესულია ის ყველაფერი, რაშიც ჩვენ ვცხოვრობთ, როგორც მსოფლიო და განსაკუთრებით საქართველო.

რაღაც გადაფასებები მოხდა, მინდა, რომ აგრესიაზე არ კონცენტრირდეთ, მხოლოდ სიკეთეზე იყავით ორიენტირებული,” – განაცხადა თიკა ფაცაციამ.