ჟურნალისტი ინგა გრიგოლია “ფეისბუქის” პირად გვერდზე წერს:
“უი, როგორ აჟრიამულებულან ვიღაცეები, ჩვენი პროტესტი, მედიის წინააღმდეგ ჩატარებულ სპეცოპერაციაზე, ერთი დღით ჩაბნელებული ტელევიზიებითაც რომ გამოვხატეთ… რავარი გახარებულები არიან… ტყუილად გიხარიათ, კი არ გავმქრალვართ, ხვალიდან ისევ ვიმუშავებთ. ძალიან კი სურთ ამოგვაგდონ ფორმიდან, აღარ ნახონ მწვავე და კრიტიკული რეპორტაჟები და გადაცემები, მაგრამ ვერ მოგართვით, თან პროტესტი და თან საქმე – ესაა ჟურნალისტიკა და ჩვენი მთავარი იარაღია სიტყვა, ყველაზე მძიმეწონიანი იარაღი… კარგია ვარდისფერი სათვალეები? ვერ მოგართვით… ისევ შევხვდებით ხვალიდან, რა თქმა უნდა, “ტვ ,,პირველზე,,” – წერს გრიგოლია სოციალურ ქსელში.
“გადადგეს ირაკლი ღარიბაშვილი, დაისაჯოს ყველა მოძალადე” – 24 საათიანი გაჩერებული მაუწყებლობის შემდეგ, მედიის პროტესტი უცვლელი მოთხოვნებით გრძელდება. ოთხმა ტელეკომპანიამ “მთავარმა”, “ფორმულამ”, “ტვ-პირველმა” და “კავკასიამ” მაუწყებლობა დღეიდან განაახლეს, თუმცა ჟურნალისტები ამჯერად თავის სათქმელს ისევ ქუჩიდან იტყვიან.
5 ივლისს ძალადობრივი დაჯგუფებების მხრიდან სასტიკად ნაცემი, ლექსო ლაშქარავას გარდაცვალებას მედიის წარმომადგენლები, შაბათს 18:00 საათზე მასშტაბური აქციით გააპროტესტებენ. სამოქმედო გეგმაზეც სწორედ 17 ივლისს გახდება ცნობილი.
მედიის წარმომადგენლები სხვადასხვა აქტივობებსაც გეგმავენ.