ანალიტიკოსი და ტელეწამყვანი არჩილ გამზარდია “ფეისბუქის” პირად გვერდზე წერს:
“ამ ქვეყანაში ვერაფერი შეიცვლება მანამ, სანამ:
– ყოფილი მოძალადეები გააპროტესტებენ მიმდინარე ძალადობას.
– ძველი კონფორმისტები დაუპირისპირდებიან ახლანდელ კონფორმისტებს.
– ადრინდელი “კლანისტები” “გაკიცხავენ” ამჟამინდელ “კლანისტებს”.
რატომ არ გამოხატავენ მოქალაქეები საკმარის მხარდაჭერას და არ ერთვებიან ბრძოლაში? – ამიტომ!
ადამიანებს მხოლოდ პერსონალიების ცვლა არაფერს აძლევს, არც სავლეების პავლეებად ცვლის სჯერა.
მუდმივი იმედგაცრუება მოქალაქის ბრძოლისუნარიანობას კლავს.
პროტესტს კი ერთგვარი პატიოსნება და წრფელობა სჭირდება, რასაც მოქალაქეები გავლენის და აქტიურ სამოქალაქო ჯგუფებში ვერ ხედავენ საკმარისად.
ვინ იგებს ამით? – მხოლოდ ძალაუფლების ჯგუფები.
ძალაუფლების კათარზისისათვის კი ჯერ კათარზისი მის წინააღმდეგ მებრძოლ ჯგუფებს სჭირდებათ.” – წერს გამზარდია სოციალურ ქსელში.