მეცო-სოპრანო ნინო სურგულაძემ, TV – “პირველის” ოპერატორს ლექსო ლაშქრავას ხსოვნას სიმღერა მიუძღვნა:
“ლექსო ლაშქარავა ერთხელ გადამღებ ჯგუფს მოჰყვა ჩემთან სახლში, ასევე სხვა გადაღებებზეც ფონდთან დაკავშირებით შევხვედრილვართ…თავი დამამახსოვრა თავისი გამორჩეული პროფესიონალიზმით, თავმდაბლიბით და კეთილგანწყობით. გული ჩამწყდა მისი გარდაცვალებით…ნათელში იყოს მისი უკვდავი სული. ეს სიმღერა ლექსო ლაშქრავას ხსოვნას მინდა მივუძღვნა…”, – წერს სურგულაძე სოციალურ ქსელში.
ოპერატორი ლექსო ლაშქარავა ჯიქიას სასაფლაოზე გუშინ, მამის გვერდით დაკრძალეს.
ოპერატორი უკანასკნელ გზაზე ნათესავებმა, კოლეგებმა, პოლიტიკოსებმა და სამოქალაქო საზოგადოების წევრებმა ტაშით გააცილეს.
პატივისცემის ნიშნად, ოპერატორებმა დერეფანი გააკეთეს და დაშვებული კამერებით გამოხატეს მწუხარება.
შეგახსენებთ, რომ 5-6 ივლისს თბილისში რადიკალური ჯგუფების წარმომადგენლები, რომლებიც „თბილისი პრაიდის“ კონტრაქციას მართავდნენ ჟურნალისტებს ფიზიკურად გაუსწორდნენ.