ჟურნალისტი ნანუკა ჟორჟოლიანი “ფეისბუქის” პირად გვერდზე წერს:
“ყოველთვის, როცა ვბრაზდებოდით, აქ ვუშვებდით ორთქლს და სულ რამდენიმე დღეში, ისე ვაგრძელებდით ცხოვრებას, თითქოს არავინ მოუკლავთ, არავინ დაკარგულა, არაფერი მომხდარა.
ამჯერად ასე არ იქნება!
53 ჟურნალისტი ცემეს და ამის მიზეზი ირაკლი ღარიბაშვილის მოწოდება იყო. ამას არ გავატარებთ და ვინც გაატარებს იცხოვრებს ისეთ საქართველოში როგორშიც ცხოვრობთ დღეს ჩაბნელებულ ტელე -ეთერებს ვგულისხმობ. მხოლოდ ტელეკომპანია “იმედი” დაგრჩებათ სადაც მხოლოდ თურქულ სერიალებს გაჩვენებენ მაშინ, როცა ხალხს ცემით კლავენ ქუჩაში!
ან, ღარიბაშვილი საქართველოს ჩააბნელებს ისე, როგორც დღეს ჩაბნელდა ყველა ოპოზიციური არხი ან, ჩვენ, ჟურნალისტები გავიმარჯვებთ.” – წერს ჟორჟოლიანი სოციალურ ქსელში.
ცნობისთვის, ტელეკომპანიების პროტესტი – “ტვ პირველი”, “მთავარი არხი”, “ფორმულა” და “კავკასია” მაუწყებლობა შეაჩერეს.
დღის ბოლომდე აღნიშნული ტელეკომპანიების ეკრანებზე მხოლოდ შავი ფონი იქნება გამოსახული, რომელზეც თეთრი ასოებით წერია იმ ჟურნალისტებისა და ოპერატორების სახელები და გვარები, რომლებიც 5 ივლისის მოვლენებისას დაშავდნენ.