TV – “პირველის” ოპერატორ ლექსო ლაშქარავას გარდაცვალებას მსახიობი ეკატერინე დემეტრაძე “ფეისბუქის” პირად გვერდზე ეხმაურება და წერს:
“არ ვიცი რა ვთქვა… ვერც იმას ვხვდები აი, ისინი, აი, ის ბოროტების მანქანა, ის არაადამიანი ადამიანები, ახლა რომ სამარცხვინოდ და გაუგონრად თავს იმართლებენ, აი, ისინი რას გრძნობენ, რას ფიქრობენ, რომელი ღმერთის სახელით იმართლებენ თავს?!
არც ის ვიცი ეს როგორ უნდა დავამარცხოთ, როგორ შეიძლება ველური მკვლელი ცივილიზებულად დაამარცხო?!
არც ის ვიცი რა უნდა ვქნა?! გავიქცე ამ ქაჯეთის ციხიდან და დანაშაულის გრძნობით გავატარო დარჩენილი ცხოვრება, ვისაც გასაქცევი არ ჰქონდა აქ რომ მივატოვე?!
არც ის ვიცი აქ როგორ უნდა გავაგრძელო ცხოვრება, როგორ გავზარდო შვილი, ან რისი მოტივაცია მივცე ახალგაზრდებს, რა ვუთხრა?! რომ რაა?! რა პასუხი უნდა გაიცეს ამ ფაქტზე გარდა ერთისა,
უნდა დასრულდეს ეს ჯოჯოხეთი!!! თქვენი საყვარელი უფლის სახელით! დიახ თქვენი!! დიახ თქვენი!!!
მე მართმლმადიდებელი ვარ, მაგრამ არ არსებობს მე და თქვენ ერთი ღმერთის გვჯეროდეს!!! რომ მიდიხართ ეკლესიებში ხომ ინანიებთ?! ამას როგორ მოინანებთ?! მეტანიები უშველის?! თუ ზიარება?!
ადამიანს სიცოცხლე უნდოდა! ცხოვრება უყვარდა და თავდაუზოგავად შრომობდა!!!
ან რა უნდა შეუტიტყნოთ ახლა?! რომ რააა?! რატომ აღარ არის?! ან ვისი ბრალია რომ აღარ არის?! ღმერთი არ გაგიწყრეთ და რამე სიბინძურე არ მოიგონოთ!
ეს არის გენოციდი!!
R.I.P. ლექსო” – წერს ეკატერინე დემეტრაძე სოციალურ ქსელში.
“ტვ პირველის“ ოპერატორი ლექსო ლაშქარავა ჯიქიას სასაფლაოზე გუშინ, მამის გვერდით დაკრძალეს.
ოპერატორი უკანასკნელ გზაზე ნათესავებმა, კოლეგებმა, პოლიტიკოსებმა და სამოქალაქო საზოგადოების წევრებმა ტაშით გააცილეს.
პატივისცემის ნიშნად, ოპერატორებმა დერეფანი გააკეთეს და დაშვებული კამერებით გამოხატეს მწუხარება.
შეგახსენებთ, რომ 5-6 ივლისს თბილისში რადიკალური ჯგუფების წარმომადგენლები, რომლებიც „თბილისი პრაიდის“ კონტრაქციას მართავდნენ ჟურნალისტებს ფიზიკურად გაუსწორდნენ.