„ნანუკა ჟორჟოლიანის შოუს“ მორიგი ეპიზოდის სტუმარი ტელეჟურნალისტი მაია ასათიანი იქნება. გადაცემა ეთერში ოთხშაბათს გავა.
გადაცემის ანონსს მაია ასათიანი „ინსტაგრამის“ საკუთარ გვერდზე აქვეყნებს. ვიდეოში მას წამყვანი ასე წარადგენს: „სამწლიანი პაუზის შემდეგ, მაია ასათიანის ეთერი“.
თავად მაია ასათიანი გამოქვეყნებული ვიდეოს მონაკვეთში აღნიშნავს:
„რა წამსაც ხუთშაბათს საღამოს ეთერში აღარ ვიყავი, ტელეფონი გაჩუმდა. მარკესის ერთი მოთხრობაა: „პოლკოვნიკს არავინ სწერს“, – გადამდგარ პოლკოვნიკზეა, რომელიც წერილს ელოდება, წერილი არ მოდის… ჩემს ამ მდგომარეობას ამას ვეძახდი – მაიას არავინ არ სწერს, როდესაც დამირეკავენ და მეტყვიან: რა მინდა გთხოვო, მე ვეტყვი: დიახ გისმენთ“.