11 ოქტომბერს უკრაინა-საქართველოს მატჩი შედგა, რომელიც ქართველების დამარცხებით დასრულდა, თუმცა ყველაზე სამწუხაროა, რო აღნიშნული მატჩის შემდეგ გიორგი ქოჩორაშვილმა უკვე მეხუთე ყვითელი ბარათი მიიღო, რაც ნიშნავს იმას, რომ 14 ოქტომბერს, თბილისში ეროვნული ნაკრებისა და ხორვატიის თამაშს გამოტოვებს.
გარდა ამისა, გუშინდელ მატჩში მძიმე ტრავმა მიიღო ოთარ კიტეიშვილმა. ინფორმაციას Geo Team ავრცელებს და წერს, რომ 83-ე წუთზე ქართველ ფეხბურთელს კუნთის სპაზმი დაემართა, თუმცა თამაში ამავე მდგომარეობაში გააგრძელა, რადგან ნაკრებს ცვლილება დარჩენილი აღარ ჰქონდა.
“83-ე წუთზე კუნთის სპაზმი დაემართა, ძლივს წამოდგა ფეხზე და როცა გაიაზრა, რომ საქართველოს ნაკრებს ცვლილება აღარ ჰქონდა დარჩენილი, დაახლოებით 15 წუთი ამ მდგომარეობაში ითამაშა…” – წერს Geo Team სოციალურ ქსელში.