კვარაცხელიამ გუნდთან ერთად ივარჯიშა – საქართველოს ნაკრები სრული შემადგენლობით განაგრძობს მზდებას პოზნანში

“ჯვაროსნები” უკრაინასთან მატჩისთვის მზადებას პოზნანში განაგრძობენ და მათ შეკრების მესამე დღეს „ლეხის“ საწვრთნელ ბაზაზე სრული შემადგენლობით ივარჯიშეს.

შეკრების პირველ დღეებში ხვიჩა კვარაცხელია ინდივიდუალურად ემზადებოდა. საბედნიეროდ, „ნაპოლის“ ქართველმა ლიდერმა გუნდთან ერთად სრული დატვირთვით ივარჯიშა და უკრაინელებთან მატჩისთვის მზად იქნება.

10 ოქტომბერს „ჯვაროსნები“ მატჩის მასპინძელ პოზნანის „ენეა სტადიონის“ სათადარიგო მოედანზე ივარჯიშებენ. მანამდე კი, ტრადიციულად, ვილი სანიოლი წინასამატჩო პრესკონფერენციას გამართავს.

10 ოქტომბრის განრიგი

უკრაინის ნაკრები

16:15 მთავარი მწვრთნელის პრესკონფერენცია („ენეა სტადიონი“)

18:15 უკრაინის ნაკრების ვარჯიში (პოზნანი, საწვრთნელი ბაზა „​ოპალენიცა პარკოვა“)

საქართველოს ნაკრები

19:30 მთავარი მწვრთნელის პრესკონფერენცია („ენეა სტადიონი“)

20:00 საქართველოს ნაკრების ვარჯიში („ენეა სტადიონის“ სათადარიგო მოედანი)

საქართველოს ნაკრებმა ერთა ლიგის მიმდინარე გათამაშებაში ჩეხეთი (4:1) და ალბანეთი (1:0) დაამარცხა და ორი ტურის შემდეგ 6 ქულით B1 ჯგუფში პირველ ადგილზეა.

შეგახსენებთ, რომ საქართველოს ეროვნული ნაკრები ოქტომბერში ორ მატჩს გამართავს. 11 ოქტომბერს პოზნანში უკრაინას შეხვდებიან, მატჩი თბილისის დროით 22:45 საათზე დაიწყება. 14 ოქტომბერს კი თბილისში, მიხეილ მესხის სახელობის სტადიონზე ალბანეთს უმასპინძლებენ (20:00).

მატჩების პირდაპირ რეპორტაჟებს კი პირველი არხი, პირველი არხი სპორტი და საქართველოს რადიო შემოგთავაზებთ.