საკანონმდებლო ორგანოს სხდომათა დარბაზში დეპუტატებს შორის სიტყვიერი დაპირისპირება მოხდა. ადგილი ჰქონდა ფიზიკურ შეხლა-შემოხლასაც.
სტრატეგია აღმაშენებლის ლიდერს გიორგი ვაშაძეს პიჯაკი შემოახიეს. როგორც თავად აცხადებს, მას უმრავლესობის დეპუტატი ვიქტორ ჯაფარიძე დაუპირისპირდა.
“ვიქტორ ჯაფარიძე გადმოვიდა ფიზიკურ დაპირისპირებაზე, იგინებოდა ვუთხარი, რომ გაჩერებულიყო,”– განაცხადა გიორგი ვაშაძემ.
ცოტა ხნის წინ სხდომათა დარბაზში მედიაორგანიზაციებისა და სამოქალაქო სექტორის წარმომადგენლები შეიჭრნენ. მათი გაღიზიანება პარლამენტის შენობაში შესასვლელად რამდენიმე ჟურნალისტისთვის საშვის დაშვებაზე უარის თქმამ გამოიწვია.
ამასთან, ოპოზიციის წარმომადგენლები აცხადებენ, რომ გუშინდელი ტრაგიკული ამბის შემდეგ უმრავლესობის დეპუტატებს პარლამენტში სესიის ჩატარების საშუალებას არ მისცემენ.