7 ოქტომბერი
როგორც ასტროლოგები ამბობენ, ამ დღეს ბევრი ადამიანი საბოლოოდ გააანალიზებს, რომ ყველაფერი, რაც მოძველებული და არასაჭიროა, წარსულს უნდა ჩააბარონ. თუკი აქამდე ცდილობდით, ილუზიები შეგექმნათ, ამ დღეს განვითარებული მოვლენები გაჩვენებთ, რომ რეალობას თვალი უნდა გაუსწოროთ და დაემშვიდობოთ ყველა იმ ურთიერთობასა და საქმეს, რომლებსაც აქამდე მაინც უფრთხილდებოდით. გახსოვდეთ, რომ ამის შემდეგ როგორც პიროვნულ, ასევე პროფესიულ ზრდას შეძლებთ.
8 ოქტომბერი
რაც არ უნდა ცუდი იყოს ამინდი ან გარემო, თუკი შინაგანად მზე ანათებს, ყველაფერი კარგადაა. ეს დღე გაჩვენებთ, რომ ბედნიერება შეგიძლიათ, სულ პატარა დეტალშიც კი იპოვოთ და თავი შესანიშნავად იგრძნობთ. ეს პოზიტიური ენერგია მთელი დღის განმავლობაში დაგეხმარებათ, რომ საქმეები ეფექტურად შეასრულოთ და დადებითი განწყობა სხვებსაც გადასდოთ.
9 ოქტომბერი
როგორც ასტროლოგები ამბობენ, ამ დღეს გარშემომყოფები ზუსტად იმას აჩვენებენ, რაც მათთვის ბუნებრივადაა დამახასიათებელი – ასე, რომ შეგიძლიათ, ობიექტურად შეხედოთ მათ ჰუმანურობასაც და ნეგატიურ მხარესაც…
10 ოქტომბერი
ამ დღეს ყველაფერი ძალიან მარტივად იზრდება და ფართოვდება, ამიტომაც საუკეთესო რჩევა ენერგიის სწორად გამოყენებაა. თუკი რაიმეს დაწყებას, განვითარებას გეგმავდით, აღნიშნულ დღეს განახორციელეთ. შედეგი იმაზე დიდი და საინტერესო აღმოჩნდება, ვიდრე შეიძლება წარმოიდგინოთ. ასევე, იყავით ჰუმანური, გამოხატეთ კეთილგანწყობა და ეს სიკეთე უკან ორმაგად დაგიბრუნდებათ.
11 ოქტომბერი
თუ რაიმეს ცდა გინდოდათ და შანსს ელოდებოდით, ეს დღე გამოიყენეთ. თუკი მნიშვნელოვან ადამიანთან დიდი ხანია, დალაპარაკება გინდათ, ან საქმიან პარტნიორებთან გსურთ საკითხების გარკვევა, ან კიდევ სხვა მიმართულებით გინდათ გამბედავი ნაბიჯის გადადგმა, ამ დღეს სცადეთ. როგორც ასტროლოგები ამბობენ, შედეგით განსაკუთრებით კმაყოფილი იქნებით.
12 ოქტომბერი
ამ დღეს მნიშვნელოვანია, თითოეულმა ადამიანმა საკუთარ თავს განსაკუთრებული ყურადღება დაუთმოს. მოუსმინეთ თქვენს თავს, დაფიქრდით საკუთარ შიშებსა და კომპლექსებზე და აუცილებლად აღმოაჩენთ პასუხს, თუ რა უნდა შეცვალოთ იმისათვის, რომ წარმატებასა და საკუთარ თავთან ჰარმონიას მიაღწიოთ.
13 ოქტომბერი
ამ დღეს შესაძლოა, უენერგიობა იგრძნოთ და მოტივაციაც დაკარგოთ. მიეცით საკუთარ თავს უფლება, უბრალოდ დაწვეთ, დაიძინოთ, განიტვირთოთ. ხანდახან უბრალოდ არაფრის გაკეთება და საკუთარი თავისთვის დასვენების დროის მიცემა საუკეთესო საშუალებაა, რომ ძალები აღვიდგინოთ.