“ექსპერტი-ნათელმხილველის” ნიჭი ამაოდ იკარგება” – აბაშიძე ჩარკვიანზე

დეპუტატი თაკო ჩარკვიანი “ფეისბუქის” პირად გვერდზე წერს, რომ მისი ინფორმაციით, პრემიერ-მინისტრი ირაკლი ღარიბაშვილი თანამდებობიდან გადადგება.

“ჩემი ინფორმაციით, ღარიბაშვილი გადადგება, ნუ, თუ რაღაც “საოცრება” არ მოხდა!!! და კიდევ: ერთი სიტყვა არ დაუჯეროთ გახარიას, ერთი “პოლიტიკური ნაგავია”. ყველამ თავის წილ დანაშაულზე უნდა აგოს პასუხი და ისე გაბედოს შემობოტება ” პოლიტიკაში!” – დაწერა ჩარკვიანმა სოციალურ ქსელში.

პარტია “კანონი და სამართლის” დამფუძნებლის პოსტს ექსპერტი გია აბაშიძე “ფეისბუქის” პირად გვერდზე ასე ეხმაურება:

“ექსპერტი-ნათელმხილველის” ნიჭი ამაოდ იკარგება. არ შეიძლება ტელეკომპანია “პირველის” (“გოიმკანალის”) “საგამოძიებო “ჟურნალისტიკას” გაუძღვეს უვიცი ნოდარ მელაძის პოტენციალის გასაძლიერებლად?

არჩევნებამდე რაღა დარჩა? თუმცა, ჩვენი პოლიტიკანები წინასაარჩევნო კამპანიას კი არ აწარმოებენ, არამედ მარჩიელობენ და საკუთარი უსუსურობით დაბეჩავებულნი, ოდენ ილანძღებიან. სხვა მეტი არაფერი გააჩნიათ უნარ-ჩვევებში,” – წერს აბაშიძე.