5-6 ივლისს, ჰომოფობიური და ძალადობრივი ჯგუფების მხრიდან ჟურნალისტებზე თავდასხმის ფაქტს, მომღერალი და ტელეწამყავნი ანრი ჯოხაძე “ფეისბუქის” პირად გვერდზე ასე ეხმაურება:
“ძალადობა ნაძირლების უკანასკნელი თავშესაფარია!!!
სოლიდარობა ყველა ჟურნალისტს !!!” – წერს ჯოხაძე სოციალურ ქსელში.
5 ივლისს, ჰომოფობიური და ძალადობრივი ჯგუფების თავდასხმის შედეგად 50-ზე მეტი ჟურნალისტი დაშავდა.
6 ივლისის ძალადობის გასაპროტესტებლად მდუმარე აქცია გაიმართა, სადაც აგრესორები მშვიდობიანი აქციის მიმართულებით კვერცხებს, ქვებს, ქვებით სავსე ბოთლებს, რკინის ნაჭრებს, შუშებს და სხვა ნივთებს ისროდნენ. დაშავებულია რამდენიმე პოლიციელიც. სამართალდამცველები მოძალადეებს აკავებდნენ, თუმცა საღამოს, პოლიციამ აქციის მონაწილეები და ჟურნალისტები ტერიტორიიდან გაიყვანა და მოძალადე ჯგუფები რუსთაველზე შეუშვა. მათ მეორედ ჩამოგლიჯეს და დაწვეს ევროკავშირის დროშა.
საქართველოს პროკურატურამ მედიასაშუალებების წარმომადგენლების მიმართ, ჟურნალისტური საქმიანობის გამო განხორციელებული ძალადობისა და „თბილისი პრაიდის“ ოფისში შეჭრის ფაქტებზე დაკავებულ რვა პირს ბრალდება წარუდგინა.