“ივანიშვილის პარტიას მხოლოდ 25%-იანი მხარდაჭერა აქვს და ოპოზიციაში გადასვლა მოუწევს” – ევროპული ტურნედან პრეზიდენტი კონკრეტული გარანტიებით დაბრუნდა. სალომე ზურაბიშვილმა პირდაპირ თქვა, რომ საქართველო ევროინტეგრაციის გზაზე დაბრუნდება, თუ მოსახლეობა არჩევნებზე მხარს პროდასავლურ პარტიებს დაუჭერს. ზურაბიშილმა იცის კონკრეტული დროც, როდის გაიხსნება საქართველოსთან ევროკავშირში გაწევრიანებაზე მოლაპარაკებები.
ასევე, ხვალ გახდება ცნობილი, ვინ წარმოუდგენია მომავალ პრემიერად სალომე ზურაბიშვილს. პრეზიდენტი პოლიტიკურ ლიდერებს ათონელის სასახლეში დღის მეორე ნახევრიდან ელოდება. შაბათის ეთერში ზურაბიშვილმა გაამხილა, რომ მის მიერ შერჩეულ კანდიდატურას პოლიტიკური წარსული არ აქვს.
რამდენიმე პარტიაში უკვე ღიად თქვეს, რომ კონსულტაციებზე მივლენ, მაგრამ მთავრობის დაკომპლექტებაზე საუბარი ნაადრევია.
პრეზიდენტის გზავნილებმა წყობიდან გამოიყვანა “ქართული ოცნება”.
წყარო: ტელეკომპანია პირველი