"ძვირფასო ბაია,თუ მე მეორედ ჩამოტარებულ ხინკლად მთვლი, გააგრძელეთ რუსული, დიეტური, კატლეტის ჭამა, თავის დამპალი კომბოსტოთი"

5 ივლისს, ქალთა უფლებების დამცველმა, ბაია პატარაიამ “ფეისბუქის” პირად გვერდზე დაწერა:

“ადამიანის უფლებათა სახლზე, სადაც ასევე არის საფარის ოფისი, მოხდა თავდასხმა. პიროტქნიკაც კი შეყარეს და ადამიანიც კი დაზიანდა. იცოდეთ მაინც დარბევის მასშტაბები.ასე ხდება როცა კანონს არ იცავს პოლიცია და ხელისუფლება, ხოლო საპატრიარქო გავეშებულ ბრბოს მიუქსევს უფლებადამცველებს, ჟურნალისტებს და ფერადმაისურიან ბავშვებსა თუ ტურისტებს…
სახელმწიფო არ გვაქვს!
ქართული ოცნების მმართველობა უნდა დასრულდეს.
აბა, მიშა გინდა?! თუ არჩევანი მარტო მიშასა და ბიძინას შორის მაქვს დღეს, ისევ გაცხელებული ხინკალივით მეორედ ჩამოტარებულ მიშას ავირჩევ. და თქვენ სასოწარკვეთის რა ლეველზე ხართ?”- დაწერა უფლებადაცმველმა სოციალურ ქსელში.

პატარაიას აღნიშნულ პოსტს, საქართელოს ექს-პრეზიდენტი მიხეილ სააკშვილი “ფეისბუქის” გვერდზე გამოეხმაურა:

“ძვირფასო #BaiaPataraia, თუ მე მეორედ ჩამოტარებულ ხინკლად მთვლი და მხოლოდ, სასოწარკვეთილთან გინდა ამ კერძის ულუფის მიღება, მგონი სჯობს, გააგრძელოთ რუსული, დიეტური, კატლეტის ჭამა, თავის დამპალი კომბოსტოთი და კარგად გაითავისოთ ეს გემო.

არ ვაპირებ ვინმეს დავამცირებინო ის მიღწევები, რომელიც ქონდა საქართველოს სახელმწიფოს, ჩემი პრეზიდენტობის დროს, რომელიც იყო უპრეცედენტო ჩვენს ისტორიაში და უზარმაზარ სივრცეზე, სადაც ცხოვრობს რამდენიმე ასეული მილიონი ადამიანი და ნამდვილად არ ვაპირებ second-hand choice იყო ვიღაცისთვის.
Good luck”

P.S.
ისე, მეორედ ჩამოტარებული, შემწვარი ხინკალი, ხშირად უფრო გემრიელია, ვიდრე პირველადი” – მიმართა სააკაშვილმა პატარაიას.

9 ნახვა