მომღერალი, ფილოლოგიის მეცნიერებათა დოქტორი, ხათუნა ჟორდანია თბილისში, რუსთაველის გამზირზე განვითარებულ მოვლენებს “ფეისბუქის” პირად გვერდზე ეხმაურება და მოძალადე ჯუფების წარმომადგენლების უმკაცრესად დასჯას ითხოვს.
“ვფიქრობ, რომ სპეციალურად იყვნენ შეგზავნილი ადამიანები, რომლებმაც იძალადა პატარა გოგო-ბიჭებზე, რათა მიეღოთ ის შედეგი, რაც მივიღეთ.
უმკაცრესად და სამაგალითოდ დაისაჯოს, ყველა ის ადამიანი, ვინც ასე უმოწყალოდ სცემა ჟურნალისტები”,- წერს ხათუნა ჟორდანია, აღნიშნულ პოსტის კომენტარებში მომღერალმა ზურა ხაჩიძემ, მისი მეუღლის პასუხად დაწერა: “- “სხვანაირად ვერ აურევდნენ მშვიდობიან გამოხატვის უფლებას!!!”
ცნობისთვის, რუსთაველის გამზირსა და მიმდებარე ტერიტორიებზე „თბილისი პრაიდის“ მოწინააღმდეგეებმა 5 ივლისს ჟურნალისტებისა და ოპერატორების მიმართ აგრესიული ქმედებები განახორციელეს, რის შედეგადაც სხვადასხვა მედიასაშუალების წარმომადგენლები დაშავდნენ.
გამოძიება სისხლის სამართლის კოდექსის 154-ე მუხლის მე-2, 156-ის მე-2 ნაწილის „ა“ და 225-ე მუხლის მე-2 ნაწილით მიმდინარეობს.
ოფიციალური ინფორმაციით, ჟურნალისტის პროფესიულ საქმიანობაში ძალადობის მუქარით უკანონოდ ხელის შეშლისა და ძალადობის ფაქტებზე სისხლის სამართლის წესით დაკავებულია შვიდი პირი.