“ნაციონალური მოძრაობის” წევრი რომან გოცირძე სოციალურ ქსელში ძალადობრივი ჯგუფების წარმომადგენლების შესახებ წერს:
“სამყაროში 125 მილიარდი გალაქტიკაა, თითოეულ გალაქტიკაში არის 100 მილიარდი ვარსკვლავი. ეს მხოლოდ რაც ჩანს ყველზე ძლიერი “ჰაბლის” ტელესკოპიდან. დანარჩენს მხოლოდ ღმერთი ხედავს. ჰო და წარმოიდგინეთ, ამ უკედაგანო სამყაროში რამდენი სამუშაო აქვს ღმერთს. აქ რომ წესრიგი მოიშალოს, ხომ დადგება კოსმიური ქაოსი. ნუთუ, მართლა ჰგონია ვინმეს, რომ ის ანაფორიანი და უანაფორო ველურები, რომლებიც ქუჩებში ჟურნალისტებს უსწორდებოდნენ, მართლა ღმერთთან არიან რაიმე კავშირში? – მაგათთვის სცალია ახლა ღმერთს? ან ის ჯვარი, უკანონო ნაგებობა, რომელიც მერიის ნებართვის გარეშე აღმართეს პარლამენტის წინ, ღმერთს მოსწონს?- ღმერთი კანონებს პატივს სცემს. ღმერთს უფრო მეტად ვეყვარებით, რაც უფრო ნაკლებად შევაწუხებთ მას.” – წერს გოცირიძე “ფეისბუქის” პირად გვერდზე.
