გერმანულმა სატრანსფერო სააგენტო Transfermarkt.com-მა პოლონეთის ექსტრაკლასის მოთამაშეების განახლებული სატრანსფერო ღირებულებები წარადგინა.
სიაში მოხვდა საქართველოს ეროვნული ნაკრებისა და “კრაკოვიას” ფეხბურთელი ოთარ კაკაბაძეც, რომლის სატრანსფერო ფასიც გაიზარდა.
29 წლის განაპირა მცველის სატრანსფერო ფასი Transfermarkt-ზე € 1,5 მილიონი გახდა. განახლებული სატრანსფერო მონაცემებით, კაკაბაძე გუნდში ერთ-ერთი ყველაზე ძვირადღირებული ფეხბურთელი გახდა.
“კრაკოვიამ” ახალი სეზონი შესანიშნავად დაიწყო და 9 ტურის შემდეგ, 19 ქულით, მე-4 პოზიციას იკავებს.