ჩვენ ვართ უმრავლესობა, რომლებიც ვთვლით, რომ სხვა ადამიანი არ უნდა დაიჩაგროს და ყველანი ვართ თანაბრები – ამის შესახებ იმუნოლოგ-ალერგოლომა ბიძინა კულუმბეგოვმა “რუსთავი 2”- თან საუბრისას აღნიშნა, რომელიც ძალადობის წინააღმდეგ გამართულ აქციაზე იმყოფებოდა. მისივე თქმით, პროცესებს თვითორგანიზებულობის ელფერი არ დაჰკრავდა, თუმცა დასძენს, რომ მნიშვნელოვანია არა ის თუ ვისგან იყო ორგანიზებული, არამედ ის რომ პოლიციამ თავისი მოვალეობა შეასრულოს.
“ეს არის სრულიად მიუღებელი, ჩვენ გავიღვიძეთ ქვეყანაში, რომელშიც არ მინდოდა, რომ გამღვიძებოდა. ამიტომ მე ჩემ წილ პასუხისმგებლობას ვგრძნობ და ჩვენ ვართ უმრავლესობა, ადამიანები, რომლებიც ვთვლით, რომ სწორად ვაზროვნებთ და ეს არის სწორედ ქრისტიანული მორალით აზროვნება, რომ სხვა ადამიანი არ უნდა დაიჩაგროს, ყველანი ვართ თანაბრები და ჩვენ ამ მრწამსს შევინარჩუენებთ და ამ ქვეყანას მომავალი მხოლოდ აქ აქვს,” – განაცხადა კულუმბეგოვმა “რუსთავი 2”- თან კომენტირებისას.