მენანები, ვარლამ, ძალიან მენანები… ასეთია შენი ღმერთი? – ნანკა კალატოზიშვილი

მსახიობი ნანკა კალატოზიშვილი რიონის ხეობის მცველის ვარლამ გოლეთიანის შესახებ წერს:

“თუ ვინმეს მიმართ გამიჩნდა ამ ბოლო დროს პატივისცემა, მართლა გულით მიხაროდა, რომ ვხედავდი და   მჯეროდა, მინდოდა დამეჯერა, ალბათ, უფრო, როგორც ჩანს, რომ არსებობენ ნამდვილი, სუფთა, პატიოსანი ადამიანები… თუ ვინმეზე დამწყდა და ჩამწყდა დღეს გული, ვარლამია.

მისი დანახვა ამ სისხლისმსმელი ადამიანების გვერდზე… იმედი გამიცრუა საკუთარმა თავმა, ამდენი ოპტიმიზმი, უკვე იდიოტობისკენ მიმავალ გზას გავს. მენანები, ვარლამ, ძალიან მენანები.

ასეთია შენი ღმერთი? ასეთია შენი ეროვნული ერთობა?

42 წლის ვარ და ისევ ბავშვივით მეამიტი როგორც ჩანს, ან უბრალოდ იდიოტი.” – წერს მსახიობი.

ცნობისსთვის, „პრაიდი“ დიდ დარტყმას აყენებს იმ ეროვნულ ერთობას, რომელსაც ჩვენ ასე ვუფრთხილდებოდით მთელი ამ ხნის განმავლობაში”, – აღნიშნული განცხადება გვერდმა „რიონის ხეობის გადარჩენისთვის“ გაავრცელა. გუშინ კი „რიონის ხეობის მცველები“ პრაიდის წინააღმდეგ აქციაზე დასასწრებად ჩამოვიდნენ.