სასტიკად მოკლული ტრანსგენდერი ქალიკესარია აბრამიძე რამდენმე დღის წინ დაკრძალეს. მის მიმართ ჩადენილმა სასტიკმა მკვლელობამ საზოგადოების დიდი ნაწილი აღაშფოთა.
როგორც კესარიას ახლობლებისგან ირკვევა, ის ბოლო პერიოდი ტოქსიკურ ურთიერთობაში იყო და ძალადობის მსხვეროლიც ხშირად ყოფილა.
ნახეთ, რას წერდა კესარია მკვლელობამდე რამდენიმე დღით ადრე სოციალიურ ქსელში.
“5 ნიშანი, რომ შენი შეყვარებული შენით მანიპულირებს და ხარ ტოქსიკურ ურთიერთობაში
1) მის გარშემო არ ხარ შენი თავის საუკეთესო ვერსია ხარ დასტრესილი და უენერგიო. 2)გინდა რომ დაშორდე მაგრამ გრძნობ რომ ის გჭირდება. 3)ხშირად საკუთარი სიტყვებით გულს გტკენს და შემდეგ ამბობს რომ იხუმრა
. 4)ხან კომპლიმენტებით გავსებს და გაღმერთებს ხან პირიქით განულებს და გაგრძნობინებს რომ მის გარეშე არაფერს ნიშნავ სამყაროში 5) თითქმის არასდროს აქვს სინანულის და დანაშაულის შეგრძნება ,სულ შენ გადანაშაულებს”– წერია პოსტში.
შეგახსენებთ,18 სექტემბერს 37 წლის ტრანსგენდერი კესარია აბრამიძე თბილისში, დიდ დიღომში, ავთანდილის ქუჩაზე, საკუთარ ბინაში მოკლული იპოვეს. შსს–ის ინფორმაციით, კესარიას სასიკვდილო ჭრილობა ყელის არეში ცივი იარაღით აქვს მიყენებული. მკვლელობაში ბრალდებული პირი, 26 წლის ბ.ჯ. დაკავებულია, დანაშაული კი 16-იდან 20 წლამდე ან უვადო თავისუფლების აღკვეთას ითვალისწინებს. კესარია აბრამიძე გუშინ სასაფლაოზე დაკრძალეს.