თამუნა ვაშალომიძე fortuna.ge- სთან ინტერვიუში საუბრობს როგორ არ მიესალმნენ ქართველი ვარსკვლავები მის მიერ დაფინანსებულ ღონისძიებაზე, სადაც სტუმრად იყვნენ მიწვეულნი.
“სხვათაშორის რამდენიმე თვის წინ ერთ-ერთი ფილმის სპონსპორი ვიყავი Tamoskin- ით. ჩვენი კომპანიის მხრიდანაც მოვიწვიეთ საზოგადოება და რა თქმა უნდა, მეორე მხარემაც მოიწვია ვარსკვლავები. ძალიან დამწყდა გული ერთი რამის გამო- ჩვენი მიწვეული სტუმრების გარდა, ჩემი ბრენდი არავინ მონიშნა სოციალურ ქსელებში, მიუხედავად იმისა, რომ ჩვენ ვიყავით სპონსორები და რაც ყველაზე გულდასაწყვეტი იყო ,ისაა რომ არათუ მონიშვნა, ქართველმა ვარსკვლავებმა არც კი იკადრეს, გამარჯობაც კი არ მითხრეს იმ ღონისძიებაზე. მე, ზოგადად ასეთი მეწვრილმანე არ ვარ, მაგრამ როცა უცხოეთში გადიხარ, ევროპაში მიღებული ხარ და ყველანაირი ლიცენზია გაქვს, გაქვს უმაღლესი პროდუქცია, დაუფასებლობა ცუდად გხვდება გულზე, მაგრამ მე არ ვარ ის ადამიანი, ვინც გულში წყენას დიდხანს იტოვებს”-ამბობს თამო ვაშალომიძე.
იმ ვარსკვლავებმა მას შემდეგ რაც ვენეციის კინოფესტივალზე გნახეს, ხომ არ მოგწერეს და მოგილოცეს?
“რამდენიმე ინფლუენსერმა მომილოცა , მაგრამ იმ ვარსკვლავებს, ვინც ღონისძიებას ესწრებოდა, არაფერი მოუწერიათ და არც მოულოცავთ.
ვინც მიცნობს ყველამ კარგად იცის რომ ყოველთვის ჩემთვის ვარ და შოუბიზნესის წევრებთან დიდად არ ვმეგობრობ, მაგრამ თუ გამარჯობას არ ამბობ, ჩემს დაფინანსებულ ღონისძიებაზე რატომ მოდიხარ? ეს არის ზრდილობისა და კულტურის ამბავი. ახლა აღარ ვნერვიულობ… ჩავიხედე სარკეში და ჩემს თავს ვუთხარი, თამო, რამდენი რამ გადალახე და ამაზე რატო უნდა ინერვიულო-მეთქი . ვენეციის კინოფესტივალზე დასწრება მაშინ გეგმაშიც არ იყო”- თქვა თამო ვაშალომიძემ