“ეს იყო დიდი შოკი. მინდა მივუსამძიმრო კესარიას დედას და ბოდიში მოვუხადო. არავის არ უნდა უკლავდნენ შვილს. ბოდიშს ვუხდი მას” – ამის შესახებ კესარია აბრამიძის მკვლელობისთვის ბრალდებული ბექა ჯაიანის დედამ გადაცემაში “ნოდარ მელაძის შაბათი” განაცხადა.
„ეს იყო შოკი ჩემთვის, მინდა მივუსამძიმრო კესარიას დედას და ბოდიში მოვუხადო. დღეს შვილს არავის უნდა უკლავდნენ.მე ორივეს ვტირი, როგორც კესოს, ისე ბექას. რაც არ უნდა ყიფილიყო, სიცოცხლის გამოსალმებას არაფერი ამართლებს. მკვლელი უნდა დაისაჯოს. ბექასგან მიკვირს რომ ასეთი სისასტიკე ჩაიდინა, მას გამართლება ნამდვილად არ აქვს.
ძალადობაზე არაფერი ვიცოდი, მას (კესარიას) უნდოდა, რომ ბექას ცოლად მოეყვანა” – განაცხადა ბრალდებულის დედამ.
შეგახსენებთ, რომ 37 წლის ტრანსგენდერი ქალის, კესარია აბრამიძის მკვლელობაში ბრალდებულ ბექა ჯაიანს სასამართლომ აღკვეთის ღონისძიების სახით პატიმრობა შეეფარდა.