ტელეჟურნალისტი ნანუკა ჟორჟოლიანი, კესარია აბრამიძის მკვლელობასთან დაკავშირებით პროკურატურის მიერ გავრცელებულ ინფორმაციას ეხმაურება და შემდეგ სტატუსს აქვეყნებს.
“გამოძიების ინფორმაციით ნაჩხუბრები იყვნენ. მკვლელობაში ბრალდებულმა იცოდა რომ კესო დათანხმდებოდა შეხვედრას თუ საერთო ფოტოებს საჯაროდ დაადებინებდა.დაურეკა კესოს და უთხრა დაედო ფოტოები. კესომ ფოტოები დადო, შერიგება შედგა. ტიპი მივიდა. კამერის მონაცემებით მისვლას და წამოსვლას შორის დრო არის 14 წუთი. ამ დროში მოასწრეს ბიჭის მიერ ატანილი სასმლის გახსნა (ფოტოზე ჩანს) და ამ მანიაკმა 20 ჭრილობით, სისასტიკით მოკლა გოგო .ანუ, ამ ავადმყოფმა მანიაკმა, თან ამბავი გააბაზრებინა და თან მოკლა?! ვერ ვხსნი ამბავს. ის გააკეთებინა რაც ყველაზე მეტად არ უნდოდა (გაბაზრება) და ოღონდ კესო ენახა და მოეკლა ამაზეც წავიდა? სხვაგან ვერ ნახავდა? ქუჩაში ვერ დახვდებოდა?”– წერს ნანუკა ჟორჟოლიანი.
პროკურატურამ კესარია აბრამიძის დამამძიმებელ გარემოებებში განზრახ მკვლელობის ფაქტზე ბ.ჯ.–ს ბრალდება წარუდგინა.
“18 სექტემბერს, დაახლოებით 15:50 საათზე, თბილისში, ადამ მიცკევიჩის ქუჩაზე მდებარე ერთ-ერთ მაღაზიაში ბ.ჯ.-მ „ოპინელის“ ფირმის გასაშლელი დანა შეიძინა და კესარია აბრამიძესთან შეხვედრა გადაწყვიტა. ბრალდებულის განმარტებით, კესარია აბრამიძე შეხვედრაზე დასთანხმდა მათი ურთიერთობის ამსახველი ფოტოსურათების სოციალურ ქსელში გასაჯაროების სანაცვლოდ. ბრალდებული იმ მიზნით, რომ კესარია აბრამიძეს შეხვედროდა და განზრახვა სისრულეში მოეყვანა, ფოტოების გასაჯაროებას დასთანხმდა, რის შემდეგაც კესარია აბრამიძემ ფოტოსურათები სოციალურ ქსელში ატვირთა”– წერია განცხადებაში.
საქართველოს პროკურატურის ინფორმაციით, 37 წლის ტრანსგენდერ ქალს, კესარია აბრამიძეს, ბრალდებულმა ბექა ჯაიანმა დანით სხეულის სხვადასხვა ადგილზე 28 ჭრილობა მიაყენა.