შეხვედრა შვილიშვილთან და სახლში მარტო ყოფნა – ასე უპასუხა სალომე ზურაბიშვილმა შეკითხვას, რა სახის დასვენება უყვარს პრეზიდენტს. პრეზიდენტმა გადაცემაში „მხოლოდ ლელასთან“ პოლიტიკის მიღმა სხვადასხვა საკითხებზე ისაუბრა და აღნიშნა, რომ არა პოლიტიკა, ისტორიკოსი ან ჟურნალისტი იქნებოდა.
ისაუბრა მის საყვარელ სერიალებზე.
„გაგიმხელთ ჩემს საიდუმლოს, ვუყურებ სერიალებს ღამით, როდესაც საჭიროა გამოეთიშო რაღაც ფიქრებს, ძალიან მიყვარს ამერიკული სერიალები. ნაკლებად მიყვარს ფილმები.
ამჟამად, არც მახსოვს რას ვუყურებ, მაგრამ სახლში რომ მივდივარ, საღამოს Netflix მაქვს ჩართული“
ამასთან, როგორც სალომე ზურაბიშვილმა აღნიშნა, მალე ორგზის ბებია იქნება.
„ერთი შვილიშვილი მყავს, იმედი მაქვს, რომ კიდევ ბევრი მეყოლება, მაგრამ მეორეს ველოდებით 26 ოქტომბერს და ძალიან გახარებული ვარ“