მერაბ დვალიშვილმა შონ ო’მალი 15 სექტემბერს მძიმე ორთაბრძოლაში დაამარცხა და UFC-ის ქვემსუბუქი ჩემპიონი გახდა.
UFC-ში ქართველის წარმატებას გამოეხმაურა ფოტოხელოვანი გოგა ჩანადირი.
“ამ პატარა ქვეყანამ მოახერხა და შერეული ორთაბრძოლების 2 ჩემპიონი – ილია თოფურია და მერაბ დვალიშვილი მისცა მსოფლიოს, თანაც, ნახევარ წელიწადში .
ამერიკამ და ბრაზილიამ შეძლეს იგივე, არადა, მათზე 100-ჯერ მაინც პატარაა ჩვენი ქვეყანა ტერიტორიითაც და მოსახლეობითაც.
ყოველგვარი პათეტიკის გარეშე ვიტყვი, რომ ეს არის ჩვენი გენის სიდიადე, ამ გენის გამოღვიძების ნიშანი, რომელიც ბოლო საუკუნეების მანძილზე მიძინებული იყო.
თავში ჩაგვიდეს, რომ ზარმაცები, უდისციპლინოები, გაუტანლები, მლიქვენელები ვართ და ასე შემდეგ.
შეხედეთ ილიას და მერაბს – სწორედ შრომით, დისციპლინით, გამტანობით, გულწრფელობით მიაღწიეს წარმატებას.
ზარმაცი და უდისციპლინო ერი ვერ ქმნის გამარჯვებებს.
ვიცოდეთ, რონ არ გამქრალა ეს გენი, რომელსაც წარმატება, გამარჯვება და სიდიადე მოაქვს.
მთავარია, ვირწმუნოთ ჩვენი ძალების, როგორც ამას ჩვენი ღირსეული წინაპრები ახერხებდნენ.
მთავარია, ლეთარგიული ძილიდან გამოვიდეთ.
მთავარია, დავუბრუნდეთ ჩვენს საწყისებს, რომელსაც სწორედ შრომასთან, ერთგულებასთან, წესრიგთან, გულწრფელობასთან, სიყვარულთან, დიდსულოვნებასთან მივყავართ.
წინ, საქართველო! 🇬🇪❤️”- წერს გოგა ჩანადირი სოციალურ ქსელში.