ზაფხულის ცხელ დღეებში ნაყინი გაგრილების ერთ-ერთი საუკეთესო და “გემრიელი” საშუალებაა, მისი მირთმევა ორმაგად სასიამოვნო ხდება, როდესაც ის მადისაღმძვრელად გამოიყურება.
მოყვარული კონდიტერი მაკა ბლადაძე გვიზიარებს რეცეპტს, თუ როგორ უნდა მოვამზადოთ სახლის პირობებში უგემრიელესად “შემწვარი ნაყინი”?!
რეცეპტის ინგრედიენტები:
1.ქოქოსის ფანტელი 1ჭ.
2.რძე 1ს/კ
3.კვერცხი 1 ცალი
4.სიმინდის ბურბუშელა 2 ჭ.
5. ვანილის ნაყინი 500 გრ.
6. შაქარი 1ჩ/კ
7. დარიჩინი-მწიკვი
დაფაზე პერგამენტის ქაღალდი დააფინეთ, რომელზეც ნაყინის ბურთები უნდა დაალაგოთ, შემდეგ გაყინეთ იმდენი ხნის განმავლობაში, სანამ ძალიან მკვრივ მასას არ მიიღებს.
ჯამში ჩაყარეთ დაფხვნილი სიმინდის ბურბუშელა, ამასთან, დაუმატეთ დარიჩინი და ქოქოსის ფანტელი, რომელშიც ნაყინის ბურთები უნდა ამოავლოთ, შემდეგ კი კვლავ საყინულეში შეაბრუნეთ, მინიმუმ ერთი სააათი განმავლობაში გააჩერეთ.
ათქვიფეთ კვერცხი, რძე და შაქარი, ნაყინის ბურთულები ჯერ აღნიშნულ ნარევში უნდა ამოავლოთ, შემდეგ კი ისევ ბურბუშელაში, რომელსაც კვლავ საყინულეში შეაბრუნებთ, ამჯერად, იქ ორი საათის განმავლობაში იქნება მოთავსებული.
ბოლოს კი, სქელძირიან ქვაბში რაც შეიძლება დიდი რაოდენობით ზეთი ჩაასხით, მდუღარე ზეთში ჩაუშვით ნაყინის ბურთები, რომელიც 30 წამის განმავლობაში უნდა იწვებოდეს, სანამ ოქროსფერს არ მიიღებს. უმალვე მიირთვით.
თუ აღნიშნულ ინსტრუქციას ზუსტად მიყვებით, თქვენ ხელოვნებისა და “გემოების” ნამდვილ ფოიერვერკს მიიღებთ.
