ახალი სეზონიდან “მაესტროს” ეთერში ახალი გადაცემა გავა. ტელეკომპანიაში “უცნობი” იგივე გია გაჩეჩილაძე ბრუნდება. გაჩეჩილაძე საავტორო გადაცემას გაუძღვება.
“ძალიან გახარებული ვარ, რადგან ჩემს საყვარელ ტელევიზიაში ვბრუნდები. “მაესტრო” იმ კურსით განაგრძობს მუშაობას, რითიც აქამდე ხელმძღვანელობდა. ძალიან ბედნიერი ვარ, რომ ამაში კიდევ თავიდან მივიღებ მონაწილეობას.
საბედნიეროდ, “მაესტროდანაც” წამოვიდა წინადადება მიმიღონ, სექტემბრიდან ტელევიზიაში კონკრეტული პროექტით შევიდე, რასაც “უცნობის კიდობანი” ჰქვია და იმ შემთხვევაში თუ ეს პროექტი წარმატებით განხორციელდება, სხვადასხვა კონტენტებს დავამატებთ.” – განაცხადა გიორგი გაჩეჩილაძე გამართულ ბრიფინგზე.
მან ასევე აღნიშნა, რომ ყველაზე დიდი პრობლემა ამ ქვეყანაში პარტიული ტელევიზიების არსებობაა.
“ზიზღის, ცილისწამებისა და ჩხუბის მიზეზის წყარო. ამ ქვეყანაში არ არსებობს ნეიტრალური ტელევიზია. ტელევიზიებს შევთავაზე ჩემი თავი, როგორც გადაცემის წამყვანად, მათ შორის ტვ პირველსაც, მაგრამ მივიღე უარი.
,,მაესტრომ” გამოთქვა სურვილი სექტემბრიდან მქონდეს საკუთარი გადაცემა. პატიოსანი, აპოლიტიკური გადაცემით”- განაცხადა გაჩეჩილაძემ.
მისივე თქმით, მან საკუთარი კანდიდატურა “ტვ- პირველსაც” შესთავაზა, თუმცა უარი მიიღო.