“არ ვაპირებ, რომ გიგა ბოკერიას, კაკო ბობოხიძეს, რომელსაც თავისი ვიწრო პოლიტიკური ინტერესები აქვთ, გადავაყოლო ჩემი ქვეყნის ინტერესი”, – ამის შესახებ „სტრატეგია აღმაშენებლის“ ლიდერმა გიორგი ვაშაძემ „პალიტრანიუსის“ გადაცემაში „ნიუსრუმი“ განაცხადა.
“არ ვაპირებ, რომ გიგა ბოკერიას, კაკო ბობოხიძეს, რომელსაც თავისი ვიწრო პოლიტიკური ინტერესები აქვთ, გადავაყოლო ჩემი ქვეყნის ინტერესი – ბოკერიამ დიდი შეცდომა დაუშვა, რომ დოკუმენტს ხელი არ მოაწერა და ამით როგორც ქვეყნის შიგნით, ასევე საგარეო ასპარეზზე დაასამარა საკუთარი პოლიტიკური პერსპექტივა, ამერიკა ამბობს, რომ შარლ მიშელის დოკუმენტი არის ნატოსთან დაახლოების გზა. თქვენ ბატონო, ვისაც გინდათ მოუსმინეთ. მე არ ვაპირებ, რომ გიგა ბოკერიას კაკო ბობოხიძეს, რომელსაც თავისი ვიწრო პოლიტიკური ინტერესები აქვთ, იმას გადავაყოლო ჩემი ქვეყნის ინტერესი. გეკითხებით, შაჰინი უფრო მაგარია და შაჰინს უნდა მოვუსმინოთ თუ ბოკერიას? ევროსაბჭოს პრეზიდენტ შარლ მიშელს მოვუსმინოთ თუ შალვა ნათელაშვილს? ორივე შ-ზე იწყება.
ბოკერიამ დიდი შეცდომა დაუშვა, რომ დოკუმენტს ხელი არ მოაწერა და ამით ვფიქრობ, როგორც ქვეყნის შიგნით, ასევე საგარეო ასპარეზზე დაასამარა საკუთარი პოლიტიკური პერსპექტივა.
სანამ ეს ადამიანები არ მიხვდებიან, რომ ამხელა ისტორიულ ეტაპს გავდივართ და ვიწრო პარტიულად არ უნდა ვიფიქროთ და უნდა შეხედო ცოტა გრძელვადიანად ამ ყველაფერს, მანამდე მათ დიდი პრობლემები ექნებათ, როგორც ქვეყნის შიგნით, ასევე ქვეყნის გარეთ“ , – განაცხადა ვაშაძემ ინტერვიუში.
„სტრატეგია აღმაშენებლის“ ლიდერის განცხადებას, ჟურნალისტი, ევროპული საქართველოს“ ლიდერის გიგა ბოკერიას მეუღლე თამარა ჩერგოლეიშვილი “ფეისბუქის” პირად გვერდზე ეხმაურება:
“მე მგონი ყველა”ს”ე მაგარი ჩაკ ნორისია.