დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ მისი გადადგომის შესახებ გავრცელებული ინფორმაცია უარყო.
ამის შესახებ მან უწყებათაშორისი საკოორდინაციო საბჭოს სხდომის დასრულების შემდეგ განაცხადა.
“რამდენჯერ უნდა მკითხოთ, გუშინ ხომ დამხვდით, მკითხეთ, დაგიდასტურეთ. დღეს აგერ, თქვენ წინაშე ვარ და ვლაპარაკობ, ჯერ არ გადავმდგარვარ და რა ვქნა. თუ ძალიან გინდათ მითხარით, თქვენმა ხელმძღვანელმა მითხრას რომ ძალიან მინდა, რომ ამირან გამყრელიძე გადადგეს, იქნებ მერე გაგიწიოთ ანგარიში.” – მიმართა გამყრელიძემ ჟურნალისტს შესაბამისი კითხვის საპასუხოდ.