“ქართულმა ოცნებამ” საარჩევნო სიის პირველი ოცეული წარადგინა, რომელთა შორის არიან ქართველი სპორტსმენები – ლაშა ტალახაძე და გენო პეტრიაშვილი.
სიის წარდგენის შემდეგ. გენო პეტრიაშვილმა პირველი კომენტარიც გააკეთა და აღნიშნა,რომ ეცდება, “ქართული ოცნების” გუნდთან ერთად ბევრი კარგი საქმე გაალეთოს.
„პირველ რიგში, მე, როგორც გენო პეტრიაშვილმა ძალიან ბევრი ემოცია შევძინე ჩემს გულშემატკივარს, რაც შემეძლო. ახლაც ვეცდები, ძალიან ბევრი კარგი საქმე გავაკეთო და შევუერთდე ამ ძალიან მაგარ გუნდს. თითოეულ ჩვენგანს ძალიან გვიყვარს ჩვენი სამშობლო და ყველა ადამიანს აქვს უფლება, მიიღოს ეს გადაწყვეტილება. პარლამენტში ძალიან ბევრ კარგ საქმეს გავაკეთებ. ვეცდები, გუნდთან ერთად ბევრი კარგი საქმე გავაკეთოთ ახალგაზრდებისთვის, სპორტსმენებისთვის, დევნილებისთვის, ჩემი ქალაქელებისთვის და ზოგადად, ჩვენი ქვეყნისთვის. ჩვენი გზა არის მხოლოდ ევროპაში, მშვიდობით, ღირსებით და ეს ძალიან მნიშვნელოვანია. გულშემატკივარს კიდევ ერთხელ დიდი სიყვარული ჩემგან“, – განაცხადა პეტრიაშვილმა.
რაც შეეხება სპორტში საქმიანობის გაგრძელებაზე დასმულ კითხვას, პეტრიაშვილის თქმით, ამ სფეროში რჩება.
„სპორტი ჩემს ცხოვრებაში ყოველთვის არის, ყოველთვის იქნება. უბრალოდ, ახლა დრო დამჭირდება, რომ ტრამვები მოვიშუშო, მაგრამ ვრჩები სპორტში, ჩემს უსაყვარლეს ადამიანებთან, უსაყვარლეს საქმიანობასთან ერთად“, – აღნიშნა პეტრიაშვილმა.