კახეთში, მდინარე ალაზნის სარწყავ არხში, ახალგაზრდა მამაკაცის ცხედარი იპოვეს. ცხედარი სამაშველო სამსახურის თანამშრომლებმა აღმოაჩინეს სარწყავი არხის წნორის მონაკვეთზე.
ადგილობრივების თქმით, 25 წლამდე ასაკის მამაკაცი მეგობრებთან ერთად ბანაობდა, რა დროსაც ის, ძლიერმა დინებამ გაიტაცა. თანმხლებმა პირებმა, მისი დახმარება ვერ მოახერხეს.
მამაკაცის ცხედარი, ამ დროისათვის, გურჯაანში სამსხარაულის სახელობის ექსპერტიზის ეროვნულ ბიუროშია გადასვენებული.