ჯანდაცვის კომიტეტის თავმჯდომარის დიმიტრი ხუნდაძის პარლამენტის პლენარულ სხდომაზე სიტყვით გამოსვლას, “მთავარი არხის” გენერალური დირექტორი ნიკა გვარამია შემდეგნაირი პოსტით ეხმაურება:
“დიმიტრი ხუნდაძე ჯანდაცვის კომიტეტის სახელით პრემიერის გამოსვლის შეფასებას “მთავარ არხს” უძღვნის.
პრემიერი გავხდით თუ რა ხთეფა?” – წერს გვარამია “ფეისბუქის” პირად გვერდზე.
ამას გარდა, როგორც ხუნდაძემ სიტყვით გამოსვლისას აღნიშნა, ქვეყანა პოზიტიურად ვითარდება, „ნაციონალური მოძრაობა“ კი ამბობს, რომ „თითქოს აპოკალიფსია და ქვეყანა იქცევა“.
“ამ დარბაზში ხშირად ვისმენთ ძალიან ბევრ სიცრუეს. გასაკვირი არც ის იყო, როდესაც პრემიერ-მინისტრი საქმეზე საუბრობდა და ჩვენი ოპონენტები ძირითადად უსაგნო ბრალდებებით, ტყუილის ტირაჟირებით იყვნენ დაკავებულები. ამით ცდილობდნენ მოსახლეობის ყურადღება წინასაარჩევნოდ მიექციათ. სიცრუით არ უნდა იცხოვროთ. იმუშავეთ არა კარვებში, არამედ პარლამენტში. ყველა მიმართებით არის პრობლემები და სამუშაო, მაგრამ თქვენ რასაც ხატავთ, თითქოს აპოკალიფსია და ქვეყანა იქცევა, არა. ქვეყანა პოზიტიურად ვითარდება და პანდემიის დროსაც ეს პოზიტიური დინამიკა გარკვეულად შეფერხდა. ჩვენ შევძლებთ რომ დავძლიოთ, მაგრამ თქვენც უნდა გქონდეთ ამის სურვილი, არ უნდა გაცდეთ რეალობას. გულწრფელობა, ობიექტურობა, ღირსება არ უნდა მიყვებოდეს სავარძელს და სადაც ხართ, ყველგან უნდა ფლობდეთ ამ ჩვევებს“,- განაცხადა ხუნდაძემ.