“მთავარი არხის“ გენერალური დირექტორი ნიკა გვარამია “ფეისბუქის” პირად გვერდზე წერს, რომ ტელეკომპანია ჰომოფობიური განცხადებების და მოწოდების გაშუქებას არ აპირებს.
“მოკლედ, მეგობრებო, “მთავარი არხის” გადაწყვეტილებით, ჩვენ არ ვაპირებთ ნებისმიერი პირის, საეროს თუ სასულიეროს, ჰომოფობიური განცხადებების და მოწოდების გაშუქებას.
ბოდიშს ვუხდით საზოგადოებას, რომ ბოლო ერთ კვირაში 2 ამგვარი რამ დღის განმავლობაში “მთავარის” დღის და დილის გამოშვებებში თითოჯერ გაგვეპარა. ეს განცხადებები საიტიდანაც და ფბ-დანაც მყისიერად იქნა აღებული”, – წერს გვარამია სოციალურ ქსელში.