“კონფლიქტური ვარ, ამბობენ, რომ ნერვიულიაო” – თამარ ჩერგოლეიშვილი

ტელეკომპანია “პირველის” გადაცემაში “შუადღე” ჟურნალისტმა თამარ ჩერგოლეიშვილმა ბლიც-კითხვებს უპასუხა.

როგორც ჩერგოლეიშვილმა აღნიშნა, ის საკმაოდ კონფლიქტური ადამიანია.

“ნამდვილად კონფლიქტური ვარ, რადგან რაღაცებს ვითხოვ, ზოგჯერ ამას აბრალებენ და ამბობენ, რომ  ნერვიულიაო, ასეთი კი არ ვარ, უბრალოდ ვთვლი, რომ რაღაცები ისე უნდა მოხდეს, როგორც მე მინდა. იმის გამო, რომ ჩვენს საზოგადოებაში ქალს მეორეხარისხოვანი როლი აქვს, ამიტომ ეს რაღაცნაირ ამოვარდნად ითვლება, აქედან გამომდინარე, კონფლიქტები ხშირად მაქვს ხოლმე იმის გამო, რომ არ ვეგუები იმ როლს, რომელიც საზლოგადოების უმრავლესობამ მომაკუთვნა.  საბედნიეროდ,  ისეთი ხალხით ვარ გარშემორტყმული, რომელიც ძალიან კარგად გრძნობს თავს იმ როლში, რა როლიც მაქვს” – ამბობს ჩერგოლეიშვილი.

“თავს კომფორტულად გრძნობთ პოლიტიკაში?” – ჩერგოლეიშვილი პასუხობს: – “ძალიან”. “ბუნებრივია რაღაცებზე ძალიან ვბრაზობ. რაღაც მომენტში მიყვარს უკან გაწევა და ისტორიულ კონტექსტში ყურება იმ ყველაფრის რასაც ჩვენ ვაკეთებთ. ხშირად მეცნიერებას და რელიგიას ხომ უპირისპირებენ ერთმანეთს და ჩემთვის მეცნიერება პასუხს სცემს კითხვას “როგორ?”, მაგრამ აი, როდესაც რელიგიაზე, რწმენაზე საუბრობენ, ეს არის იმის რწმენა რისთვის მოხვედი ამ ქვეყნად… ფიქრობს ადამიანი, ვისაც პოლიტიკა აინტერესებს – “ამას რისთვის აკეთებ?, რად გიღირს?..”

რაღაცნაირად გაცნობიერებული მაქვს ის, რომ ჩვენ ისტორიული მისია გვაქვს ყევლას  და ეს მისია არის სამშვიდობოს გასვლა, უსაფრთხოება, თავისუფლება, ოღონდ უსაფრთხოება არა თავისუფლების ხარჯზე, არამედ პირველ რიგში, თავისუფლებასთან ერთად. ახლა მაქვს შეგრძნება, რომ არასდროს ასე ახლოს არ ვყოფილვართ და განსაკუთრებული პასუხისმგებლობის შეგრძნება მაქვს… ის რაც ყველაზე მეტად ჩემს ეგოს “დაბუსტავს” იქნება ის, როდესაც ჩვენ NATO -ში შევალთ”, – ამბობს ჩერგოლეიშვილი.