“კიდევ ერთი ოცნების ასრულების გზაზე ვარ… იმდენი შრომა, ნერვები და ენერგია ჩავდე ამ პატარა კაფეს გახსნაზე, რომ ძალიან მინდა, თქვენც ჩემსავით შეგიყვარდეთ აქაურობა. იმედია, მალე გავიხსნებით” – ამის შესახებ მომღერალი თიკა ჯამბურია სოციალურ ქსელში წერს და ვიდეოს აქვეყნებს.
მომღერალი აღნიშნავს, რომ ხსნის კაფეს, რომელშიც გემრიელი კერძები და სასიამოვნო გარემო დაგხვდებათ. თიკა ჯამბურია თანამშრომლობას სთავაზობს ყავისა და ნაყინის დანადგარების შემომტან კომპანიებს და განმარტავს, რომ მისთვის ხარისხი მნიშვნელოვანია. მომღერალი ეძებს კაფეში მომუშავე თანამშრომლებსაც და დაინტერესების შემთხვევაში საზოგადოებას მასთან პირადად დაკავშირებას სთხოვს.