რამდენი მილიარდი დოლარის ღირებულების ბინები გაიყიდა წელს თბილისში?

2024 წლის ივლისში თბილისში 270.4 მლნ აშშ დოლარის ღირებულების ბინები გაიყიდა, რაც წლიურად 5.5%-იანი და თვიურად 18.4%-იანი ზრდაა. ამის შესახებ „გალთ ენდ თაგარტის“ კვლევაშია აღნიშნული.

მათივე ცნობით, ჯამურად 2024 წლის პირველ 7 თვეში 1 708 500 000 აშშ დოლარის ღირებულების ბინები გაიყიდა, რაც წლიურად 1.9%-იანი ზრდაა.

„რაც შეეხება რაოდენობრივად, 2024 წლის ივლისში თბილისში 3 476 ბინა გაიყიდა, რაც წლიურად მცირედი 1.3%-იანი კლებაა, ხოლო თვიურად 17.6%-იანი ზრდა. ამასთან, თვიურ ჭრილში ზრდაზე მნიშვნელოვანი გავლენა ჰქონდა რამდენიმე პროექტში უკვე გაყიდული ბინების დაგვიანებული რეგისტრაციის ერთჯერად ეფექტს.

ჯამურად, 2024 წლის პირველ 7 თვეში თბილისში სულ 22 253 ბინა გაიყიდა, რაც წლიურად 3.2%-იანი კლებაა. ეს შემცირება განპირობებული იყო მეორად ბაზარზე გაყიდვების კლებით (-3.7% წ/წ), მაშინ როცა პირველად ბაზარზე წლიურად მცირედი 1.1%-იანი ზრდა დაფიქსირდა,“- აღნიშნულია კვლევაში.

წყარო: Business Press News