ბორჯომის ხეობაში, დაბა ახალდაბას მიმდებარედ, ტყეში ხანძარი ლიკვიდირებულია- ინფორმაციას ავრცელებს შინაგან საქმეთა სამინისტრო.
„მეხანძრე-მაშველების მიერ სალოკალიზაციო და სალიკვიდაციო ინტენსიური სამუშაოები მთელი ღამის განმავლობაში უწყვეტ რეჟიმში მიმდინარეობდა. ხანძრის ქრობის პროცესში 150-ზე მეტი მეხანძრე-მაშველი იყო ჩართული. ხანძრის ადგილზე მეხანძრე-მაშველები რჩებიან და მიმდინარეობს მხრჩოლავი კერების დამუშავება. ადგილზე უსაფრთხოებისა და მონიტორინგის მიზნით, საგანგებო სიტუაციების მართვის სამსახურის წარმომადგენლები მთელი ღამის განმავლობაში დარჩებიან“, – მოცემულია შინაგან საქმეთა სამინისტროს განცხადებაში.