პარიზის პარალიმპიური თამაშების ნახევარფინალში ქართველმა ეტლით მოფარიკავე ნინა თიბილაშვილმა (A კატეგორია) იასპარეზა. მან ხმლით ფარიკაობაში ნახევარფინალურ შეხვედრა ჩინელ პარასპორტსმენთან დათმო.
ნინა თიბილაშვილმა პირველ შეხვედრაში ჰიო კიონგ კვონი ანგარიშით 15:5 დაამარცხა, მეოთხედფინალში კი იუ ჩუ იესთან ანგარიშით 15:4 გაიმარჯვა.
ნინა თიბილაშვილი ტოკიოს ზაფხულის პარალიმპიური თამაშების ვიცე-ჩემპიონი, გუნდურ თანრიგში მსოფლიოს ჩემპიონი და მსოფლიოს თასის მრავალგზის გამარჯვებულია.
ტურნირზე დღეს გამომსვლელი მეორე პარამოფარიკავე ირმა ხეცურიანიც ბრინჯაოს მედლისთვის იბრძოლებს.
პარიზის პარალიმპიადაზე საქართველოს ამ დროისთვის ორი მედალი აქვს. ჩემპიონობა პარამძლეოსანმა გიგა ოჩხიკიძემ იზეიმა, ბრინჯაოს მედალი კი 19 წლის პარატაეკვონდოისტმა ანა ჯაფარიძემ მოიპოვა.