ცოტნე გამსახურდიას მეუღლე ანა ჯაბაური გულშემატკივრებს “ფეისბუქის” პირადი გვერდის მეშვეობით ემოციურ პოსტს უზიარებს:
“მეგობრებო, პირველ რიგში უდიდესი მადლობა სიყვარულისთვის და იმ დადებითი ემოციებისთვის, რომელსაც თქვენი მხრიდან ვგრძნობთ. სწორედ პოზიტივი და მხოლოდ პოზიტივი, საყვარელი ადამიანების გარემოცვა, სიმშვიდე და სპეციალური ვარჯიშები არის ექიმის ის დანიშნულება, რომლითაც ჩამოვედით, ასევე ექიმის რეკომენდაციით, მშობლიურ ქვეყანაში. დღეს მომინდა თქვენც ყოფილიყავით თანამონაწილე ჩვენი, ჩემი და ცოტნეს, #გიორგიგამსახურდია-ს, Ani Abuladze-ს, Konstantine Gamsakhurdia-ს ბოლო პერიოდის ერთგვარი ტრადიციისა, როცა ერთად, თუნდაც დისტანციურად, ვხარობთ წინ გადადგმული ყოველი პატარა ნაბიჯით. ცოტნეს საბოლოო გამოჯანმრთელების გზაზე, ერთმანეთს სიხარულს, სიყვარულს და ვამხნევებთ ერთმანეთს. ჩვენ ახლა მხოლოდ ერთი მიზანი გვამოძრავებს – ცოტნე დაუბრუნდეს მის ჩვეულ მდგომარეობას, და, რადგან ძალა ერთობაშია, ჩვენ ამას აუცილებლად შევძლებთ.
თქვენ არ იცით რეალურად როგორი ძმობა, სიყვარული და თავგანწირვა შეუძლიათ ერთმანეთისთვის, საყვარელი ადამიანებისა თუ ქვეყნისთვის ამ სამ ძმას. ერთხელ უნდა მოგიყვეთ ყველაფერი, სულ ყველაფერი – კონსტანტინე, ცოტნე და გიორგი გამსახურდიების ნამდვილი ამბავი.” – წერს ანა ჯაბაური.
შეგახსენებთ, რომ ცოტნე გამსახურდია თბილისში, საკუთარ სახლთან 2019 წლის 19 დეკემბერს დაჭრეს, რის შემდეგაც ის კომაში იყო. მას მკურნალობდნენ ჯერ თბილისის, შემდეგ თურქეთის კლინიკებში, 13 ივლისიდან ცოტნე გამსახურდია მკურნალობას გერმანიაში აგრძელებდა. რეაბილიტაციის პროცესს კი საქართველოში აგრძელებს. ხარჯებს ფონდი „ქართუ“ ანაზღაურებს. გამსახურდიას მკვლელობის მცდელობისთვის 2 კაცს 15-15-წლიანი პატიმრობა მიუსაჯეს.