ექიმთა უფლებების დაცვის ასოციაციის თავმჯდომარემ სალომე ლოლუამ „ბიზნესპრესნიუსთან“ მედიცინის სფეროში კადრების დეფიციტზე ისაუბრა. როგორც მან აღნიშნა, ქვეყნიდან კადრების გადინება ხდება და წლების შემდეგ ქვეყანას ექთანი-მეანი აღარეყოლება.
მისი თქმით, საქართველოში ექთნების რაოდენობის მაჩვენებელი კრიტიკულ ნიშნულზეა, რაც დაბალი ანაზღაურებით და შრომის საფრთხისშემცველი პირობებით არის გამოწვეული. ამ ფონზე კი ქვეყანაში საექთნო საქმის შესწავლა მოთხოვნადი აღარაა.
„ჩვენი ქვეყნიდან სამედიცინო პერსონალის გადინება გრძელდება. კადრების დეფიციტი ყველაზე მეტად არის საექთნო საქმეში. წლების შემდეგ შეგვიძლია ვთქვათ, რომ საერთოდ აღარ გვეყოლება ექთანი-მეანი“,– ამის შესახებ ექიმთა უფლებების დაცვის ასოციაციის თავმჯდომარემ სალომე ლოლუამ „ბიზნესპრესნიუსთან“ განაცხადა.